په بلخ ولایت کې له سیمهییزو رسنیو څخه لیدنه وشوه
په بلخ ولایت کې له سیمهییزو رسنیو څخه لیدنه وشوه
په بلخ کې د افغان خبریالانو او رسنیو د ملاتړ بنسټ (AJMSO) ولایتي استازي صبغتالله توران د دغه ولایت له یو شمېر سیمهییزو راډیوګانو څخه لیدنه وکړه.
دغه لیدنې د رسنیو او (AJMSO) ترمنځ د لا زیاتې همغږۍ، د رسنیو د فعالیتونو پر وړاندې د شته ستونزو او ننګونو د ارزونې او د بلخ ولایت د رسنیزو کارکوونکو د هڅونې او ملاتړ په موخه ترسره شوې.
د رسنیو مسؤلین وایي په ځینو مواردو کې معلوماتو ته پر وخت نه لاسرسی، د رسنیو لپاره د حمایوي پروګرامونو نشتوالی او په ځانګړي ډول له سیمهییزو رسنیو او راډیوګانو څخه د مالي ملاتړ کموالی په بلخ کې د رسنیو پر وړاندې له مهمو ننګونو څخه دي.
له دې سره په بلخ کې د افغان خبریالانو او رسنیو د ملاتړ بنسټ ولایتي استازي وویل چې د رسنیو د اقتصادي ستونزو لپاره د مناسبو حللارو موندل، د خبریالانو د مسلکي وړتیاوو لوړول او له اړوندو حکومتي مسؤلینو سره د رسنیو د ستونزو او غوښتنو شریکول د دغه بنسټ له مهمو کاري لومړیتوبونو څخه دي.
ستاسو غبرګون څه دی
خوښ
0
ناخوښ
0
مينه
0
خندوونکی
0
قهرجن
0
خفه
0
واه
0
