د افغان خبریالانو او رسنیو د ملاتړ بنسټ د رهبري پلاوي د سباوون راډیو تلویزیون څخه لیدنه وکړه
د افغان خبریالانو او رسنیو د ملاتړ بنسټ د رهبري پلاوي د سباوون راډیو تلویزیون څخه لیدنه وکړه
د افغان خبریالانو او رسنیو د ملاتړ بنسټ (AJMSO) عمومي رئیس، عبدالقـدیم ویاړ، د هېواد د رسنیو د وضعیت د ارزونې او د خبریالانو او رسنیو د شته ستونزو د حل لارو د څېړلو په موخه، په کابل کې د سباوون راډیو تلویزیون څخه لیدنه وکړه.
په دغه لیدنه کې د سباوون راډیو تلویزیون د شبکې رئیس، ښاغلي میروس پاڅون د دې شبکې د خپرونو، پروګرامونو او فعالیتونو په اړه معلومات وړاندې کړل او همدارنګه یې د رسنیو په نشراتي او اقتصادي برخو کې د موجودو ستونزو او ننګونو یادونه وکړه.
ښاغلي ویاړ د خلکو د پوهاوي او د عامه ذهنیت د روښانتیا په برخه کې د سباوون راډیو تلویزیون له هڅو څخه مننه وکړه او ډاډ یې ورکړ چې د یادو شویو ستونزو د حل لپاره به له اړوندو مسؤلو ادارو سره خبرې وکړي او د اصولي، عملي او باوري حل لارو د موندلو لپاره به لازمه هڅه کوي.
د افغان خبریالانو او رسنیو د ملاتړ بنسټ ژمن دی چې د اغېزناکو او دوامداره فعالیتونو له لارې د هېواد د خبریالانو او رسنیو د وضعیت د ښه والي لپاره عملي ګامونه واخلي.
کابل – د افغان خبریالانو او رسنیو د ملاتړ بنسټ
ستاسو غبرګون څه دی
خوښ
0
ناخوښ
0
مينه
0
خندوونکی
0
قهرجن
0
خفه
0
واه
0
اړوند پوسټونه
-
محمد سباون کاکردا ډول لیدنې او هڅې د رسنیو او خبریالانو لپاره ډېرې هیلهبښونکې دي. د سباوون راډیو تلویزیون رول د عامه پوهاوي په برخه کې د ستاینې وړ دی، او د AJMSO ژمنتیا ښيي چې لا هم د خبریالانو ستونزو ته پاملرنه شته. هیله ده دا خبرې عملي پایلې ولري او د رسنیو وضعیت لا ښه شي
