د هیواد د پېژندل شوي ژورنالیست او لیکوال شازلمي زلمي د وفات په اړه د AJMSO د خواخوږۍ او ډاډګیرنې پیغام

په ډیرې خواشینۍ سره مو خبر ترلاسه کړ چې د هیواد تکړه ژورنالیست او لیکوال ښاغلی شازلمی زلمی په جرمني هیواد کې د سرطان ناروغۍ له کبله خپل ژوند حق څښتن ته سپارلی دی.
ښاغلی زلمی د هیواد له تکړه ژورنالیستانو او لیکوالو څخه و چې هیواد ته یې د ژرونالیزم او ادبیاتو په برخه کې نه هیریدونکي خدمتونه کړي. 
د افغان خبریالانو او رسنیو د ملاتړ بنسټ د ښاغلي زلمي مړینه د هیواد رسنیزې کورنۍ ته یوه ستره ضایعه او نه جبرانیدونکې تشه ګڼي او له الله تعالی څخه ارواښاد ته فردوس جنت او کورنۍ ملګرو او دوستانو ته یې د صبر او اجر غوښتنه کوي.
اروایې ښاده او یاد یې تل پاتې اوسه

کابل 

۱۴۰۴/۱۰/۱۵